أعلنت وسائل الإعلام الإيطالية عن واحدة من أغرب عمليات الهروب من السجن. لما 2 مساجين قدروا يهربوا من أحد السجون في روما، وسابوا رسالة بيوضحوا فيها سبب الهروب. مع وعد بالرجوع في أقرب وقت.

ليلة 2 يونيو قدر المساجين "دافاد" و"ليل"، اللي بيقضوا فترة عقوبتهم في سجن "ريبيبيا" في روما، إنهم يهربوا. من خلال قطع القضبان الحديد في شباك الزنزانة. وده بعد ما سابوا رسالة في الزنزانة، بيشرحوا إنه كان عندهم ظرف عائلي طارئ لازم يحلوه. وبيوعدوا بالرجوع تاني خلال 15 يوم.

حسب موقع "odditycentral"، في رسالتهم وضح الهاربين إنهم كان لازم يهربوا، علشان يحموا أطفالهم من عمل خطير اتورطوا فيه. وأضافوا إنهم الوحيدين اللي كانوا قادرين على حمايتهم، بما إن زوجاتهم برضو في السجن. في نهاية الرسالة أكدوا إنهم هيرجعوا بمجرد ما الأمور تستقر، علشان يمثلوا قدام القضاء.

"دافاد" و"ليل" كانوا مسجونين بتهم الاحتيال والإتجار ببضائع مسروقة، وكان من المقرر تنتهي فترة سجنهم في 2029. لكن دلوقتي بعد ما هربوا من السجن، هيتم تمديد فترة سجنهم 5 سنين كمان.