طبيعي جدًا إن حد يشتري بيت أو عقار، في حي تاني أو بلد تانية. إنما اللي مش طبيعي إن حد ممكن يشتري بلد كاملة بحالها، ويعيش فيها بشكل مختلف تمامًا.

كشفت تقاير صحفية إن فيه بلد نيوزيلندية صغيرة اسمها "ميلونسفولي رانش"، معروضة للبيع بقيمة 11.6 مليون دولار. البلد دي هي نسخة دقيقة لمدينة "وايومينج" الحدودية. اللي بترجع لستينات القرن الـ 19.

وحسب ما نشر موقع "روسيا اليوم"، البلد دي أتأسست سنة 2006. ودلوقتي بيمتلكها "روب بارتلي"، صاحب شركة تصنيع قطع غيار سيارات، ومصانع في نيوزيلندا وكندا. كان اشتراها من صديق له سنة 2012، وقرر يبيعها بسبب مروره بمشاكل صحية.

بتمتد "ميلونسفولي"على مساحة 360 هكتار. فيها شارع رئيسي مكون من 10 بنايات على الطراز الغربي، بتضم مكتب الشريف (الضابط القانوني للبلدة)، قاعة محكمة، وصالة بلياردو. والمكان بيوفر إقامة لـ 22 شخص. ده بالإضافة لمناظر طبيعية جبلية شاسعة وسط نيوزيلندا. وكل أشكال حياة الغرب الأمريكي.

يلا مستني إيه.. دول كام مليون.