فيه دراسة حديثة كشفت أن النجاح المالي مرتبط بشكل متزايد بالسعادة. وده بيتعارض مع مثل ياما سمعناه ولسه بنسمعه إن "الفلوس مابتشتريش السعادة". 

وضحت الدراسة اللي تم نشرها في مجلة "Emotion" العلمية، أنه في الفترة من 1970 لـ 2010. زادت العلاقة الإيجابية بين الوضع الاجتماعي والاقتصادي، وده بيشمل الدخل، التعليم، المكانة المهنية، وبين تزايد سعادة الأشخاص. حسب ما نشر "روسيا اليوم"

وقال الباحث في علم النفس "جان توينج فوكس" في جامعة سان دييجو، إن ارتباط السعادة بالدخل بقى أقوى على مر العقود. والموضوع بقى ملحوظ بقوة أكتر من فترة السبعينات والتمانينات. وبالتالي فالفلوس بتشتري السعادة دلوقتي أكتر من زمان. وأكد كمان إن السعادة مش بتستقر عند مستوى دخل معين حتى لو عالي، لأنها بتزيد كل ما بيزيد الدخل.

الدراسة قامت بعمليات مسح اجتماعي، وراقبت التغيرات على حوالي 45 ألف فرد من المجتمع الأمريكي. في الفترة من 1972 لحد 2016. تم تقسيم المشاركين إلى مجموعات حسب الدخل، والاستبيان كان بيقيس مدى سعادتهم على مر السنين من خلال الإجابات. وكانت النتيجة إن اللي حافظوا على مستويات دخل عالية، كانوا سعداء أكتر من غيرهم.