لو حد مهووس بالتصوير وحب يعبر عن ده بطريقة ميعنة، ممكن يكون بعدد الصور اللي بياخدها، أنواع الكاميرات اللي بيقتنيها، أو حتى المواقع اللي بيصورها فيها. إنما هوس المصور الهندي "رافي هونجال" وصل لدرجة أبعد من كده بكتير.

هوس "رافي" بالتصوير وصل إنه سمى ولاد التلاتة، على أسامي ماركات الكاميرات: كانون - نيكون - إيبسون. مش بس كده، وعلشان يعبر أكتر عن عشقه للفن ده، صرف حوالي 95 ألف دولار على فيلا 3 أدوار على شكل كاميرا عملاقة. وفيها شباك كبير على شكل عدسة، وفلاش. وكمان كارت ذاكرة عملاق.

"رافي" كان بيحب التصوير من طفولته. ماكنش الأفضل في التصوير، بس كان دايمًا عنده الشغف يروح أماكن مختلفة ويصور كتير. وكان دايمًا واثق إن التصوير هيكون مصدر رزقه لما يكبر. بالفعل ده حصل، ولما شغله بدأ يكبر فتح استديو تصوير كبير، وسماه "راني" على اسم مراته. وبعد كده لما خلف، سمى ولاد على أسامي ماركات الكاميرات.

ومش بس البيت على شكل كاميرا، دي التصميمات الداخلية كلها على شكل أجزاء مختلفة من الكاميرا.