خلاص قربنا نستقبل عيد الأضحى، واللي فيه بنشوف وناكل أصناف مختلفة من اللحوم. وطبعًا الأكل الكتير معناه دهون كتير وزيادة في الوزن، فضروري نحاول نتخلص من الدهون الزايدة في أجسامنا. وده بيكون من خلال شوية طرق، حسب ما نشرها موقع "هن" هي:

1- طهي اللحمة بالتوابل اللي بتساعد على حرق الدهون. زي الشطة، البهارات، الكمون، الجنزبيل، القرفة، البابريكا، الكاري.

2- البعد عن تناول الكافيين مع الدهون. شرب القهوة أو الشاي المتحلي بالسكر بعد الأكل، بسبب مشاكل في الهضم ممكن توصل للقولون العصبي. ده غير منع الجسم من امتصاص البروتين بشكل كافِ لبناء العضلات.

3- مهم جدًا تتحرك بين الوجبات. وبلاش النوم بعد الأكل، علشان تساعد الجسم على الهضم.

4- شرب الشاي الأخضر بعد الأكل مفيدة للجسم، لأنه بيحتوي على مضادات الأكسدة اللي بتساعد على حرق الدهون.

5- شرب كميات كبيرة من المياه، بيزود الإحساس بالشبع وبيساعد على حرق الدهون.

6- البعد تمامًا عن أكل اللحوم على العشاء أو قبل النوم، ويُفضل عدم أكلها بعد الساعة 3 عصرًا. والأفضل وجبة العشاء تكون خفيفة، زي كوب زبادي وثمرة فاكهة.