في محاولة منه لاستعادة وظيفته من جديد، قام مهندس برمجيات هندي باختراق الكمبيتور الخاص بمديره السابق. ومسح كمية كبيرة من البيانات والمعلومات المهمة، على أمل إن الشركة تكلمه وترجع له وظيفته.

"شارما" مهندس برمجيات هندي، كان بيشغل منصب مسؤول البرمجيات في أحد الشركات. وبسبب فترة الحجر الصحي تم فصله من الشركة، بعد مشاكل كتيرة بخصوص المرتب. بس بدل ما يروح يدور على شغل جديد، فكر إنه لما يخترق قاعدة بيانات الشركة ويمسح البيانات، هيتصلوا به علشان يرجعوه للشغل. لكن للأسف ده ما حصلش.

بعد ما لاحظ عملية الاختراق، المدير تواصل مع الشرطة اللي بدأت التحقيق في القضية. وقدروا يوصلوا لمكان "شارما" واتمسك وهو بينفذ عملية اختراق جديدة. واعترف بجريمته.