بما إننا بنقضي معظم الصيف على البحر في المصيف، فلبس البحر جزء رئيسي من اللوك اللي بنظهر بيه. وزي ما بيتم اختيار اللبس بعناية، كمان الصنادل والشباشب الفلات لازم يكونوا مناسبين. لأنها بتكمل المظهر بشكل جميل، وبتضيف لمسة صيفية خاصة. علشان كده جمعنالِك أفضل براندات الأحذية، اللي هتخلي لوك الصيف ولا أروع:
Palma
مع أن Palma بتقدم كل اللي بيحتاجه دولابِك تقريبًا، لكن أحذيتها فعلًا مميزة بشكل كبير. إزاي مثلًا تشوفي التصميمات البدوية دي ومتحبيهاش؟
Zhivago
صنادل Zhivago مش محتاجة حد يتكلم عنها. فلو بتدوري على أي ستايل معين، ده المكان ده هتلاقي فيه اللي محتاجاه.
Element
زي اسمها بالظبط، تصميمات Element المستوحاة من الطبيعة، هتحسسك بطبيعتك. تصميمات وأشكال مختلفة، بتخلي لوك الصيف مختلف.
DAWN
أما DAWN فده مناسب للي بيحبوا التوفير، وفي نفس الوقت بيهتموا الجودة العالية. صناعة يدوية، جلد إيطالي، بساطة في التصميم.
Atipico
من ناحية تانية، Atipico للناس اللي بتحب الفخامة والإبهار حتى لو على البحر. بنتكلم عن التطريز والزينة وأدق التفاصيل.
ياترى إيه اختيارِك استقر على إيه؟
