شركات طبية كتيرة بتسابق الزمن علشان تنتج لقاح فيروس كورونا، ونقضي على الوباء اللي بيهدد أمن وسلامة صحتنا من شهور. بس حتى لما ترجع الحياة لطبيعتها بشكل كامل، فيه بعض العادات اللي لازم نحافظ عليها. علشان نضمن سلامتنا طول الوقت. العادات دي نشرها دكتور هاني الناظر، استشاري الأمراض الجلدية ورئيس المعهد القومي للبحوث سابقًا، من خلال صفحته  على فيسبوك:

1- تناول طبق سلطة خضراء يوميًا.

2- شرب 3 لتر مياه يوميًا، موزعة علي مدار اليوم.

3- ترك الأحذية برة البيت، وعدم التجول بها داخله.

4- الحفاظ على غسل الإيدين بالمياه والصابون عند الرجوع للمنزل، وكمان قبل الأكل وبعده.

5- عدم مشاركة الآخرين أدواتهم الشخصية، منها الملابس وأدوات الطعام زي الأطباق والأكواب. 

6- التوقف عن عادة الأحضان والتقبيل مع الآخرين "أصدقاء - أقارب".

7- عدم تناول مأكولات ومشروبات مكشوفة في الشارع.

8- الحرص على التهوية الجيدة في الغرف. سواء في البيت، أماكن العمل، أو وسائل المواصلات.

9- الاحتفاظ بمناديل ورقية وقت الخروج من البيت، لاستعمالها عند الحاجة. والتخلص منها بإلقائها في سلة المهملات، مش في الشارع.