بيرجع الفنان أشرف عبد الباقي للعمل المسرحي من جديد بمسرحية "اللوكاندة". اللي هتكون على مسرح نجيب الريحاني في وسط البلد. وبيشاركه في البطولة: حمدي الميرغني، ويزو، دياب.

العمل مختلف عن التجارب السابقة، وهيكون عبارة عن "سيت كوم" مسرحي، بيتقدم لأول مرة في مصر والوطن العربي. المسرحية هتتناول عدد من المواضيع المختلفة بشكل كوميددي، والعرض هيتنفذ بإمكانيات وتقنيات مختلفة بتظهر لأول مرة على المسرح.

المسرحية هتتعرض على مسرح نجيب الريحاني الخميس الجي 8 أكتوبر، العرض هيستمر أيام الخميس والجمعة والسبت. تأليف أحمد عبدالوهاب وكريم سامي، ديكور محمود سامي. فكرة وإخراج أشرف عبد الباقي.