من ساعات قليلة، طرح المطرب "أبو" أغنيته الجديدة "هتيجي" على قناته على يوتيوب، واللي غناها لأول مرة خلال فعاليات مهرجان الجونة السينمائي."هتيجي" هي أغنية رومانسية رايقة بتحمل طاقة إيجابية وبهجة كعادة "أبو" في معظم أغانيه.

لكن اتعودنا في عالم الفن، إن بعض الجمهور بيسمي الفنان أو الفنانة بأول عمل فني عرفه بيه خاصة لو العمل ده كسر الدنيا، وبيفضل النجم شايل اسم مشروع نجاحه فترة كده لحد ما ينجح أكتر والناس تبدأ تعيش معاه تألقه الجديد، ده بالظبط اللي حصل مع المطرب "أبو". اللي كان سر نجاحه هو أغنية "3 دقات"، واللي لحد النهارده مرتبطة بإسمه في الوسط  الفني وبين جمهوره، ومن وقتها و"أبو" بيحاول يثبت إنه مش مطرب الغنوة الواحدة.

 واللي ناس كتير ماتعرفهوش أن المطرب محمد أبو العنين أو "أبو" غنى ألوان كتير من الموسيقى في سكك مختلفة بس ماخدتش حقها.وغير "3 دقات" و"هتيجي"، الفنان "أبو" عنده مشروع فني مميز، اخترنا لكم من مشروعه 3 أغنيات مميزة لكن ماخدتش حقها من النجاح، فتعالوا نسمعها سوا:

1- أهواك

2- مسافر

3- مش هخاف