بسبب جائحة كورونا اللي وقفت أغلب رحلات الطيران في العالم، لجأ مطار "سونجشان" في مدينة تايبيه التايوانية لفكرة عجيبة. المطار بيقدم خدمة "رحلات مزيفة" فريدة من نوعها. بتوفر لكل المسافرين تجربة السفر كاملة، لكن بدون إقلاع حقيقي. بيمروا خلالها بكل إجراءات السفر بس.

بعد تعليق كل رحلات الطيران في تايوان من نص مارس، بدأت الناس هناك تحس بالملل زي أي حد بيحب السفر. لحد يوم 2 يوليو، لما قرر مطار "سونجشان" يقدم خدمة "الرحلات المزيفة" للجمهور. واللي فيها بيعيشوا تجربة السفر بالكامل، بدون إقلاع. الخدمة بتشمل التفتيشات الأمنية، إجراءات التحقق من جواز السفر، إجراءات تسجيل الوصول كاملة. ده بالإضافة للصعود على متن طائرة إير باص A330. 

بعد كده بيقوم طاقم الطائرة بتقديم الإرشادات المعتادة للمسافرين، بالإضافة لإرشادات الوقاية من فيروس كورونا. كمان بيقدموا لهم القهوة وبعض الوجبات الخفيفة، قبل ما يستعدوا للهبوط المزيف برضو.

كان المطار أعلن لأول مرة عن خطته لتقديم الرحلات المزيفة في أوائل يونيو. قدم للخدمة 7000 شخص، تم اختيار 180 منهم لتجريب أول 3 رحلات. شركة "الصين للطيران" نفذت أول رحلة مزيفة، وشركة "إيف تورز" هتنفذ التانية والتالتة.