بسبب حبهم الكبير لمصر وحضارتها القديمة، قام زوجين روسيين ببناء نموذج مصغر لهرم خوفو في حديقة بيتهم. الهرم بلغ ارتفاعه 9 متر فوق سطح الأرض، و9 متر تحت لأرض. بيتكون من حوالي 400 طن من الكتل الخرسانية. ويعتبر أصغر 19 مرة من الهرم الأكبر بالجيزة.

وبعيدًا عن الحجم، أكد "أندريه" وزوجته "فيكتوريا" إن تفاصيل الهرم من الداخل، مطابقة تمامًا لهرم خوفو. وقالوا إنهم فضلوا سنين كتيرة بيدرسوا تفاصيل الهرم، وزاروه أكتر من مرة. علشان تخرج النتيجة بالشكل اللي عايزينه. وأطلقوا على الهرم اسم "تحوت"، إله الحكمة عند الفراعنة.

وحسب موقع "odditycentral"، أعلنت وسائل الإعلام الروسية إدعاء الزوجين إن الهرم له القدرة على حماية الناس من الأذى، وكمان شفائهم من الأمراض. وقالوا كمان إن الهرم بيحسن المناعة. ويقدر الراغبين في الاستفادة من قوى الهرم في الشفاء والحماية، يحجزوا إقامة جوة الهرم للتأمل وملء الطاقة. مقابل من 50 لـ 140 دولار في الليلة. يا بلاش.