من سنين والإنترنت هو الشبكة اللي موصلة كل الناس في كل مكان في العالم. لكن ده فوق الأرض بس، لأن الجديد دلوقتي إن الإنترنت بقى تحت المياه كمان.

مؤخرًا نجح فريق من العلماء في تطوير تقنية جديدة اسمها "Aqu-fi". ودي بتقوم بتعزيز الـ WiFi للغواصين فى أعماق البحر. فيقدروا من خلالها يشاركوا الصور والفيديوهات لايف من تحت البحر، لأجهزة الكمبيزتر على السطح.

بتعتمد تقنية "Aqu-fi" على الموجات اللاسلكية، في نقل البيانات من الهاتف الذكي الخاص بالغواص، لـ Raspberry Pi المتصل بأجهزة تحت المياه. بعدها بتقوم مصابيح LED أو أشعة الليزر بإرسال البيانات إلى جهاز كمبيوتر على السطح. ويترجمها لصور أو مقاطع فيديو.

وحسب موقع "ديلي ميل" أكد الباحثين إن النظام ده يقدر يحمل وينزل صور وفيديوهات، بين جهازين كمبيوتر على مسافة بعض الأقدام في المياه الساكنة. مع نقل البيانات بسرعة 2.11 ميجابايت في الثانية، ومتوسط تأخير 1.00 مللى ثانية للوصول والاستلام.