أعلنت أكاديمية فنون وعلوم الصور المتحركة المختصة بتوزيع جوايز الأوسكار، عن معايير معينة للأفلام المنافسة على جائزة "أفضل فيلم" بداية من عام 2024. علشان تعزز التمثيل الشامل والمتنوع على الشاشة. القرارات جت بعد 5 سنين من الجدل بسبب حركة "OscarsSoWhite". والانتقادات الشديدة اللي اتعرضت لها الجايزة، بسبب عدم وجود تنوع فيها

المعايير اللي تم وضعها بتضمن شمول فئات زي: المرأة، الأقليات، الجماعات العرقية، وبعض فئات الجنس المختلفة. وبداية من حفل الأوسكار رقم 96 اللي هيقام سنة 2024، لازم الأفلام المنافسة يتوفر فيها 2 من الشروط الأساسية دي:

1- تواجد ممثل واحد على الأقل في دور رئيسي أو مساعد، من جنسية أو عرق مابيظهرش كتير في الأفلام: أسيوي، لاتيني، أسود، أفريقي/ أمريكي، شرق أوسطي.. إلخ. أي عرق مش بيتقدم بشكل جيد.

2- تواجد 30% على الأقل من الممثلين في أدوار ثانوية أو صغيرة من الفئات دي: نساء، مثليين، أشخاص ذوي احتياجات خاصة، صم أو بيواجهوا مشاكل في السمع.

3- الموضوع الأساسي للفيلم بيتكلم عن الفئات دي: نساء، مجموعات عرقية، مثليين، أشخاص ذوي احتياجات خاصة.

تقدر الأفلام تترشح في حالة تحقيق شرطين بس من الشروط اللي فوق. وكل التعديلات هدفها وجود منصة أكبر بتتكلم عن النساء، الأعراق المختلفة، المثليين، وذوي الاحتياجات خاصة.