أعلن القائمين على "مهرجان مالمو للسينما العربية" عن تفاصيل دورته الـ 10. المقرر إقامتها في مدينة مالمو السويدية، في الفترة بين 8 لـ 13 أكتوبر الجاي.
خلال الدورة هيعرض المهرجان 45 فيلم. منهم 19 فيلم طويل و26 فيلم قصير، بيمثلوا أحدث الاتجاهات والأصوات في الدول العربية. كمان أعلن المهرجان عن لجنة التحكيم اللي بتتكون من 6 أعضاء.
في الدورة دي بيتنافس 12 فيلم في مسابقة الأفلام الطويلة مقابل 24 فيلم في مسابقة الأفلام القصيرة. هيتم عرض 3 أفلام في برنامج "ليال عربية" وفيلمين في عروض خاصة. بالإضافة لفيلمين قصيرين خارج المسابقة، وفيلمين هيتعرضوا في الافتتاح والختام.
من ضمن فعاعليات المهرجان برنامج "المدارس"، اللي بيعرض أفلام مختارة لطلبة المدارس في مدينة مالمو. العروض هتقام السنة دي بشكل افتراضي، تطبيقًا للتدابير الصحية اللي تفرضها الحكومة السويدية، لمنع انتشار فيروس كورونا.
