كتير بتعدي علينا مواقف صعبة ولحظات قاسية، بنحتاج فيها للطبطبة، اللي بتهون علينا الأمور وتخفف الأحزان. وبسببها نقدر نكمل من جديد. والطبطبة مش مجرد حاجة بسيطة بنعملها، دي لها فوايد كتير مهمة.

ودي أهم 5 فوائد للطبطبة على الصحة النفسية، حسب ما نشر موقع "هن":

1- زيادة الشعور بالأمان والاحتواء بين أي طرفين. سواء كانوا زوجين، أهل، أصدقاء، زملاء عمل.

2- التفاؤل والثقة بالنفس، اللي بيجيوا من إحساس الفرد باهتمام اللي حواليه.

3- ملء الفراغ النفسي، اللي ممكن يتسبب في وقوع الفرد في المشكلات.

4- تقديم أفضل جهد في أي عمل، كنتيجة أساسية لزيادة الثقة بالنفس والإحساس بالاهتمام.

5- تقليل فرص التعرض للاكتئاب أو العزلة، لإن الفرد بيحس بدفء مشاعر الأشخاص المحيطين.