أجسامنا بتفقد جزء من طاقتها خلال اليوم، وبعضنا بيلجأ للسكريات أو الكافيين لرفع الطاقة بسرعة. لكنها مواد بتفتقر القدرة على البقاء لفترات طويلة، غير إنها ممكن تضر الصحة. علشان كده هنقول لكم على طرق ترفع طاقة الجسم بشكل صحي ولفترات طويلة، حسب ما نشر "اليوم السابع":

1- ماتفوتش وجبة الفطار

أثبتت الأبحاث إن الأشخاص اللي بيهتموا بتناول وجبة الفطار بانتظام، أدائهم بيكون أفضل من غيرهم في المهام، وبياكلوا سعرات حرارية أقل. أما الأشخاص اللي مابيفطروش، بيكونوا معرضين أكتر للشعور بالخمول الصبح. وبالتالي نشاطهم بيكون أقل.

2- ماتكترش من شرب القهوة

شرب الكافيين طول اليوم، خاصة بعد الظهر أو أول الليل، بيسبب السهر والأرق. كمان بيحسسك بالإرهاق والتعب تاني يوم. لكن مفيش مانع من شرب فنجان قهوة أو اتنين بالكتير، ويكونوا في أول اليوم.

3- اتجنب الكربوهيدرات المكررة

الكربوهيدرات بتمنح الجسم الطاقة اللي محتاجها. لكن الكربوهيدرات عالية النقاء زي الموجودة في الخبز الأبيض، الحلويات، المخبوزات الحلوة، هتخليك تحس بالدوار أو النعاس. وللحصول على طاقة دائمة، دور على الكربوهيدرات غير المكررة والأطعمة الغنية بالألياف. وهتلاقيها في دقيق الشوفان، الرز البني، التوت، البرتقال، البقوليات، البروكلي، الهليون، السبانخ، اللفت.

4-  ضيف البروتين خالي الدهون للوجبات 

البروتين بياخد وقت طويل للهضم والامتصاص لو أكلته مع الكربوهيدرات. بيساعد على بطء إطلاق السكر في الدم، وبتحصل على طاقة دائمة من غير إرهاق. جرب تضيف بروتينات صحية زي المكسرات، زبدة الجوز (بدون سكر)، الزبادي العادي، أو الحمص لوجباتك الرئيسية أو الخفيفة.

5- كُل وجبات صغيرة ومتكررة على مدار اليوم

لما بنهمل الوجبات اليومية أو نأكل بطريقة عشوائية خلال اليوم، مستويات الطاقة عندنا بتقل. والخسارة بتكون في صحتنا ونشاطنا. علشان كده ممكن نستغل نصايح الأكل اللي فوق، في وجبات صغيرة ومكررة على مدار اليوم. هتفرق معانا لو حسينا بالجوع، وكمان تزود الطاقة علشان نقدر نواصل باقي اليوم.