أيام بتفصلنا عن الاحتفال بالمولد النبوي الشريف، واللي بدأنا بالفعل نشتري حلوياته زي كل سنة. بس علشان نضمن أكبر قدر من الاستمتاع بأكل الحلويات، لازم ناخد بالنا من شوية نصايح مهمة. وده ضروري علشان نتجنب أي أخطار على صحتنا بسبب السكريات الكتيرة في حلاوة المولد:

1- كُل قطعة واحدة في اليوم من حلاوة المولد.

2- قسّم القطعة لأجزاء صغيرة، وكُلها على فترات خلال اليوم.

3- حاول تقلل الوجبات الغذائية في اليوم اللي هتاكل فيه الحلاوة.

4- الصبح أنسب وقت لتناول الحلويات، علشان معدل الحرق بيكون أعلى.

5- البعد عن تناول حلاوة المولد بمختلف أنواعها خلال فترة الليل.

6- ممارسة التمارين الرياضية بعد تناول قطعة الحلاوة.

7- شرب المياه بكميات كبيرة، للتخلص من السكر الموجود في الجسم.

8- تقدر تستبدل حلاوة المولد العادية، بحلاوة المولد الصحية. دي بتكون مصنوعة من العسل بدل السكر الأبيض.